منتديات بغديدا ملتقى ابناء شعبنا المسيحي (لنعمل من اجل وحدة شعبنا)
 
الرئيسيةس .و .جبحـثالتسجيلدخول

شاطر | 
 

 هل انا مذنب ان كنت مسلم يحب جميع المسيحين وبكيت عليهم؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
like as a ship
عضو مميز
عضو مميز
avatar

ذكر
عدد الرسائل : 221
العمر : 34
السٌّمعَة : 3
النقاط التي حصلت عليها : 15730
تاريخ التسجيل : 05/04/2009

مُساهمةموضوع: هل انا مذنب ان كنت مسلم يحب جميع المسيحين وبكيت عليهم؟   الأحد 25 يوليو - 12:11:28

السلام عليكم اخوتي اخواتي والمشرفين على المنتدى الحبيب
جل ما اتمناه هو مساعدة الرب لي <ابانا الذي في السماوات ليتقدس اسمه وليات ملكوته لتكن مشيئته كما في السماء كذلك على الارض..
احبائي اتمنى ان تسمعون قصتي وتفيدوني بنصحكم لي وهل انا مذنب هل انا مجرم ان كنت مسلم ؟ قصتي بدءت حين فتحت عيني على هذه الدنيا وامي وابي اعطوني من الحب والحنان مايكفي لحب جميع البشر والاديان واحترامهم علموني كيف ان اكون انسان وان لاانضرالى انتماء الاديان والمذاهب بل الى جوهر الانسان وتعامله وقلبه الطاهر, احبائي يشهد الله كم صليت من اجلكم لرفع الظلم عنكم وكم بكى القلب قبل العين على مصابكم وكم تألمت عندما ذهبت الى الموصل وبكيت امام سائق السيارة وكم بكيت على ماحصل لكنائس الدورة وكم تالمت عندما ذهبت الى بعشيقة ورايت اخواني المسيحين يسكنون منعزلين منهم من ترك وضيفته الحكومية ومنهم من فقد عزيز ومنهم من قاسى الامرين واكثر . حينها قلت والان اقولها لو كان الاسلام يهدر دم الانسان ويشرد الامنين من اوطانهم فاني برئي من الاسلام ولكن انا اعرف كما انتم تعرفون لايوجد دين سماوي يامر بقتل الانسان او سلب كرامته وان كثير من المسلمين لايرضون على هذه الاعمال ولكن هناك مغرضين يريدون سلخ تماسكنا نحن العراقيين عشنا سنين بسلام وامان مسيح صابئة يزيدين مسلمين فهذه الارض للجميع كانت ولازالت ونستطيع العيش بحب وسلام .
لا اريد ان اخرج عن صلب الموضوع اكثر انا شاب مسلم احببت فتاة مسيحية واحبتني وحين عرضت عليها الزواج وافقت على ذلك وقلت لها سوف اذهب الى اهلكي لاطلب يدكي لم اكن اعرف ان المسئلة ليست بهذه السهولة لئني لا ارى غير حبها وصدق مشاعري لها من حبي لها بدئت اطلع على الدين المسيحي واقرء العهد الجديد متى واحفض بعض من الانجيل وبدئت اتعلم السورث هههههه على الرغم من انها لاتعرف السورث المهم في النهاية انصدمت في حقيقة ان اهلها لن يقبلو بي ابدا ابدا وهنا بدئت الحرب النفسية والجسدية فأمتنعت عن الاكل لايام وصرت انام 4 ساعات في اليوم , فسئلتها ما الحل فقالت: لايوجد سوى حل واحد وهو الهروب !!! فذهلت حينها لاني احبها جدا وجدا وجدا احبها اكثر من روحي ولكن احبها بعقل وحكمة وان لم يبقى لي منهما شيئا في بادئ الامر رحت افكر في خطة الهروب ولكن لم اقتنع بها لاني احبها واحب اهلها على الرغم اني لم القاهم ورحت افكر في الله سبحانه وتعالى وكيف اني سوف اصدم هذه العائلة الكريمة بخبر هروب ابنتهم وكيف سيتلقون الصدمة وخفت كثير على امها لان عندي ام واعرف كلب الوالدة مثل منكول والله يارب احتاريت ياناس احتاريت ساعدني يارب ساعدوني ياناس دا اموت , ورحت بعدها لرجال الدين وسئلتهم قالولي : ميصير تسوي هذا العمل لانو غير انساني وان كانت البنت راضية بس اهلها مساكين , وقررت بعدها ان ازور اهلها واحكيلهم قصتي وحبي وما اهتم لو يذبحوني لو يقطعوني اضل احبها فكرت اروح واخلي قلبي يتكلم واقللهم شتريدون اكثر من واحد شاريكم وشاري بنتكم ويحبها ويحبكم لو ننهزم احسن ؟ بس خفت على البنت لتتئذى من ورايا واستمرت الماساة يوم بعد يوم دموع وقهر وحزن ودا اموت لحد هذي اللحظة قررنا ان نضحي بحبنا من اجل اهلها اخ ..اخ يا كلبي معرف اشون ياربي .. وهسة اتفقنا مراح نزوج الى الابد اذا مو من بعضنا وهي المسكينة تقلي روح ازوج ! روح ازوج شنو ذنب اهلك لازم يشوفون اطفالك ويفرحون بيهم اني بوقتها حسيت خنجر ودخل قلبي ضحكت بوقتها وقلتلها لو القدر منعني من ان اعيش معاكي مراح يقدريجبرني اكون مع غيرك.. هذي قصتي ومئساتي ذنبي اني مسلم نصدمت حيل بلواقع لان جنت اصور الحب اكبر من كل شي مع العلم قلتلها اقلم لاهلك راح تبقين على دينكي والله يشهد اني اخذكي للكنيسة بايدي والله احبها صليت ركعتين لمريم العذراء عليها السلام ونخيت الله يارب..يارب يارب خليها من قسمتي واذا اني مراح اسعدها فأبعدها عني وخليها مع انسان احسن مني والله اضحي لخاطرها صدكوني ياناس احبها واحب المسيح بس شسوي اذا اني مسلم واخاف الله ومخليتها تنهزم هذي جزاتي؟ والله ما اعرف سامحوني طولت عليكم ومرة اكتب فصحى ومرة بغدادلي ومرة موصلي ماضل عندي عقل سامحوني حتة فكرت ان انتحر بس بلا علمها ما اخليها تعرف لاهي ولا اهلي ياريت تتفضلون عليا وتنصحوني لان بعد ما استحمل .. سمراء من قوم عيسى من ابا ح لها قتل امرء مسلم..ارجو ان تسامحوني وان متفهموني غلط ارجو مساعدتي وعندي ايمان برب العالمين لان قلبي طاهرما اريد امدح بنفسي المسيحين على راسي احبهم واموت عليهم قبل ما اتعرف على حبيبتي .اسئل الله ان لايوقع احد بمثل هذي التجربة وان الله ينجينا اتمنى كل الخير لكل البشرية وخصوصا الناس المظلومة الله يرفع عنهم الظلم واللهم اجعلني مضلوما ولا تجعلني ضالما امين. وشكرا والف شكر الكم واتمنى ان اعرف هل انا مذنب ؟ هل انا مجرم لاني احبكم وحبيت واختاريت من عدكم.؟ اريد الجواب اريد الحل اذا اكو حل ..احبها احبها ومتيم بيها
الرجوع الى أعلى الصفحة اذهب الى الأسفل
http://www.iraqstar.com
like as a ship
عضو مميز
عضو مميز
avatar

ذكر
عدد الرسائل : 221
العمر : 34
السٌّمعَة : 3
النقاط التي حصلت عليها : 15730
تاريخ التسجيل : 05/04/2009

مُساهمةموضوع: انقذوني بمروركم محتاج تعليقاتكم والله دا اتعذب يوميا   الأربعاء 28 يوليو - 14:11:59

منتظر تعليقاتكم ومحتاج النصيحة منكم اعرف قصتي مو سهلة بس شسوي لتحرموني من مروركم الكريم ماضل عندي بس الله ودموعي واحزاني حتة خارج البيت مدا اطلع صارلي 4 يام حابس نفسي بغرفتي الله ليخليكم تمرون بتجربتي ويارب ايامكم كلها افراح يارب
الرجوع الى أعلى الصفحة اذهب الى الأسفل
http://www.iraqstar.com
zena.nissan
عضو مبتديء
عضو مبتديء
avatar

انثى
عدد الرسائل : 20
العمر : 26
السٌّمعَة : 0
النقاط التي حصلت عليها : 13140
تاريخ التسجيل : 15/07/2010

مُساهمةموضوع: رد: هل انا مذنب ان كنت مسلم يحب جميع المسيحين وبكيت عليهم؟   الأحد 22 أغسطس - 13:30:17

بصراحة قصتك كلش محزنه انا ودا اقراها دمعت عيوني وشعرت كيف انتو اشون تتالمون بس يعني الافضل انو تتركون بعض وكل واحد يستمر بالحياة وهذه قسمه انتو ماراح تكونون لبعض لازم ترضون بهذا الشي وانت بهل الشكل راح تعذبها اكثر لان مادا تستمر بالحياة بشكل طبيعي واكيد انتو الاثنين راح تتعذبون بهل الشكل وانت مو مذنب بس هذا القدر وانتو لازم ترضون بهذا الشي بس انو تفكرون بالهروب لا غلط هذا الشي لان انتو ماراح تكونون مرتاحين ابد بحياتكم وراح تكونون مثل الجندي الي يهرب من المعركه لا دينه ولا دينكم راح يرضى بهذا الشي صحيح لو انا غلطانه الاحسن انو تبتعدون لان هذا قدركم انتو ولازم ترضون بس انو تفكرون بالهروب هذا الشي راح يغضب الرب وراح تعيشون حياة مأساويه بس انتو غير من البدايه تعرفون هذا هم غلطكم انتو
وشكرااااااااا
وبالنهايه هذا راي الشخصي انا وانت بكيفك بعد
الرجوع الى أعلى الصفحة اذهب الى الأسفل
like as a ship
عضو مميز
عضو مميز
avatar

ذكر
عدد الرسائل : 221
العمر : 34
السٌّمعَة : 3
النقاط التي حصلت عليها : 15730
تاريخ التسجيل : 05/04/2009

مُساهمةموضوع: رد: هل انا مذنب ان كنت مسلم يحب جميع المسيحين وبكيت عليهم؟   الإثنين 23 أغسطس - 10:06:50

اختي العزيزة شكرا الج ودموعك سالمة وعزيزة اني ماكو يوم طلع عليا اذا مدا ابجي بي ... طبعا احنا لو ردنا نهرب وجنا بلا تفكير او شعور بمعاناة الاهل جان نهزمنا من زمان .. بس مثل ماكتلج قررنا اني نضحي لخاطر اهلها.. رحت سالت رجال دين كالو حرام تسوي هيج بامها وابوها حتلو من غير دين .. ومثل متعرفين رضى الله من رضى الوالدين... ماعندي غير اكول الله كريم ... ما اعتقد هذا غلطنا لانا حبينا بقلب طاهر ولان رب العالمين ما حرم هذا الشي بس شنسوي اذا حبنا نولد في زمان عقيم ولئيم ... ممنون الج هواي هواي ورايك جدا مهم واحترمه شكرا جزيلا على مرورك الكريم وعندي كلام جديد بعدين راح انشره بخصوص قصتي هي هسة العلاقة انتهت والتفاصيل بعدين .. ما اتمنى اي انسان يشوف الي شفته او يمر بلي دا امر بي لحد هاي اللحظة ان شاء الله البسمه تنزرع على شفايف كل العراقيين والله ليجيب الحزن يم باب احد يارب ... اخ اخ
الرجوع الى أعلى الصفحة اذهب الى الأسفل
http://www.iraqstar.com
like as a ship
عضو مميز
عضو مميز
avatar

ذكر
عدد الرسائل : 221
العمر : 34
السٌّمعَة : 3
النقاط التي حصلت عليها : 15730
تاريخ التسجيل : 05/04/2009

مُساهمةموضوع: رد: هل انا مذنب ان كنت مسلم يحب جميع المسيحين وبكيت عليهم؟   الأحد 21 نوفمبر - 20:28:41

الحياة يوم بعد يوم تعلمنا اكثر واكثر صحيح احنا نظلمنا هواي من قبل الجميع وحتة نفسنة بس الجميل انو لازم نبقى نحافظ على قلوبنا الطاهرة ونبقى نحافظ على انسانيتنا وان تعذبنا وان محد ما قدر حبنا وصدقنا وتضحيتنا ملازم نضهر ردة فعل عكسية ونتحول من انسان طيب وجميل الى انسان خبيث وقبيح وفي النهاية اكو رب يسمع ويشوف وهو راح يعوض صبرنا ...[b]
الرجوع الى أعلى الصفحة اذهب الى الأسفل
http://www.iraqstar.com
امير الحب
عضو قديم مميز
عضو قديم مميز
avatar

ذكر
عدد الرسائل : 257
العمر : 37
السٌّمعَة : 3
النقاط التي حصلت عليها : 16038
تاريخ التسجيل : 05/01/2009

مُساهمةموضوع: رد: هل انا مذنب ان كنت مسلم يحب جميع المسيحين وبكيت عليهم؟   الخميس 25 نوفمبر - 5:52:01

طبعا اني اشكرك جدا على صراحتك وعلى مشاعرك تجاه المسيحيين انتا مثال الاسلام المسالم المتدين المتواضع
اشكرك جزيل الشكر...... وبالنسبه لموضوعك الشخصي اتمنا ان تفهمني ولاتزعل من الصراحه بس هاذا الشي شبه مستحيل وكل شي قسمه ونصيب الي خلقها قابل مخلق غيرها ومثل مكالت الاخت قبلي الحياة موكفت هنا استمر بحياتك وارتبط وصدكني راح تحب زوجتك الي راح تصير ام اطفالك وهي تصير ماضي حلو بحياتك وخليها هي همين تشوف حياتها وترتبط بانسان ثاني وتصير ذكرى حلوه بحياتها انت بس لتكول حب واموت وما ادري شنو كلنا حبينا واتالمنا وسهرنا اليالي
وبجينا وتحسرنا وشفنا ايام اسوء ايام وبالتالي ادركنا غلطنا وصححنا الي كان لازم يتصلح وبعدها خطبت اني بالنسبه الي وحده مكنت احبها قبل وتزوجنا وهسا صارت كل حياتي وكل ما املك ليش لان صار توافق بينا وانتا لو فكرت تاخذها وتهرب يعني دتحكم عليها بالاعدام بعد لا اهلها ولا ناسها ولا كرابتها يريدوها واهلها للعلم واذا كنت تحبهم بس راح تخلي راسهم بالوحل مع احتراماتي وجوابي الك على عنوان موضوعك

لاء بالتاكيد انتا مو مذنب ان كنت مسلم بس انصحك فكر بالموضوع ولا تتسرع هوايا لان راح تتندم.....وشكرا

(امير الحب)
الرجوع الى أعلى الصفحة اذهب الى الأسفل
like as a ship
عضو مميز
عضو مميز
avatar

ذكر
عدد الرسائل : 221
العمر : 34
السٌّمعَة : 3
النقاط التي حصلت عليها : 15730
تاريخ التسجيل : 05/04/2009

مُساهمةموضوع: احبك امير الحب واحب المسيحيين واموت عليهم   الجمعة 26 نوفمبر - 15:02:37

اخي الحبيب امير الحب ....
السلام عليكم , حقيقة بردت كلبي بهاي كلماتك الحنونه اني ما اعرفك بس يشهد ربي انته اخي وحبيبي وانته فعلا عراقي انته واحد من عائلتي انته انسان كريم انسان محب انته انسان انسان انسان وما اعظم هاي الكلمة لان فعلا كلامك دخل القلب وادمع العيون فرحا لان العراق محتاج لناس مثل شخصك الكريم العراق محتاج كل ذرة حب بلدنيا وخصوصا من اهله واني حسيت بلحب والحنان الي بقلبك اخي الكريم انته فعلا امير الحب والحنان والطيب والتواضع . تشكرني جدا! اني الي اشكرك على تعليقك الكريم لانو اكثر من مجرد مرور لانك انقذتني بحروفك الذهبية المتقدة بلامل والخير والحب واني الي اشكرك جدا جدا لانك شكرتني ولان حسيت بحبي وانسانيتي تجاه اهلى المسيحين الي كل يوم تنزل دموعي على الظلم الي ديمر بيهم مع العلم ماالهم ذنب غير انهم يحبون العراق ماالهم ذنب غير انهم ناس جدا جدا طيبين .. واني احبهم واموت عليهم لانهم اهلي .. واكو حقيقة مهمة بس بسبب التخلف كثير من الناس مينتبهون الها المسيحيين نزفو دم من اجل المسلمين منذ سنين من اجل كل العراقيين وبلخصوص المسلمين حبا ودفاعا عنهم والهم مواقف مشرفة كثيرة مو اليوم ولا البارحة ولا قبل 500 سنة اكثر اكثر المسيحيين الهم ثاريخ عريق بلحضارة والانسانية وحب الوطن .. وكذالك المسليمن نزفو دم من اجل كل العراقيين ومن اجل المسيحيين وهذا حق وواجب احنا عائلة وحدة او بيت واحد وهذا الشي الصحيح بس مع الاسف التخلف والجهل خلة كثير ناس تنسه هاي الحقيقة وتلتهي بامور تافهة تعطل البلد عن التقدم والاكثر تسفك دماء الابرياء من جل شنو ؟؟ من اجل تفاهات طائفية عنصرية بعيدة عما خلق الله من انسانية وكرمنا بيها.. اخي العزيز امير الحب صدكني صدكني فرحتني فرحتني الدنيا والعراق بعده بخير بخير بخير لازال اكو ناس مثلك الحمد لله شكرا لله ... يارب كثر من امثاله يارب خلى الحب بكلوب العراقيين كلهم بصرهم يارب..
اخي الحبيب تعليقا على ردك على موضوعي ما اعرف شعلق ؟ ما اعرف شكول ؟ بس اكول حاشا ان ازعل منك وحاشا ان تكون كلمة خطاء منك لان كل حرف هو بلسم الي وصدكني اني بعيد عن المجامله لان الي بكلبي اكثر واكثر .. تدري شكد فرحتني من كتلي خطبت وهسة تزوجت . ادري متاخرة بس لان مجنت اعرفك الف الف مبروك ويارب كل السعادة والله يطيك كل القوة والبركة حتة تسعد زوجتك واهلك اقصى درجات السعاده يارب نزل نورك وبركاتك ونعمك عليهم .. درست موضوع الهرب جدا جدا من كل النواحي دينيا واجتماعيا واخلاقيا شلون ما كلبتها متجي لان مضرتها اكثر من نفعها خصوصا على البنت ..صعب ان تحب وبنفس الوقت تكون اناني وظالم لان راح يصير تناقض وصراع داخلي عند الانسان وفعلا اذا جنا هاربين فراسهم جان هسة مو بس بلوحل حاشاهم جانو هسة احتمال جبير الله ليكولها مجلوطين .. ولا من النخوة ولا من الغيرة ان الانسان يحقق سعادة على حساب تدمير ام واب واخ وعائلة كاملة .. والحمد لله على نعمة العقل ونعمة الانسانية ..امير الحب حبيبي اشكرك جدا جدا على كل حرف وصدكني ماكو كل قيمة لاي انسان سواء مسيحي او مسلم او غيرهم ماكو اي قيمة الهم من غير الانسانية والاخلاق الطيبه والحب والتفاهم والتسامح وحب الاخر .. اشكر الله لان صار عندي صديق واخ مثل جنابك الكريم .
طبعا اتمنى اعرف اسمك ولو برسالة على الخاص ...
اخوك من كربلاء بشار العطار
الرجوع الى أعلى الصفحة اذهب الى الأسفل
http://www.iraqstar.com
امير الحب
عضو قديم مميز
عضو قديم مميز
avatar

ذكر
عدد الرسائل : 257
العمر : 37
السٌّمعَة : 3
النقاط التي حصلت عليها : 16038
تاريخ التسجيل : 05/01/2009

مُساهمةموضوع: رد: هل انا مذنب ان كنت مسلم يحب جميع المسيحين وبكيت عليهم؟   الأربعاء 1 ديسمبر - 5:55:55

شكرا يا بشار على الكلمات الرقيقه الي انت اتقنتها في كلماتك الي اتعمقت في قرائتها استنتجت بأن انت اكثر من محب للناس والعراق بغض النظر مسلمين او مسيحيين انت تحب العراق وناس العراق ياسلام يا بشار انت بالفعل مثال الصديق الوفي ويشرفني ان نكون اخوه واصدقاء وبالنسبه للاسم اني امير الملقب بأمير الحب من قبل الاصدقاء طبعا
ومره ثانيه اتشرف بيك يا ورد
الرجوع الى أعلى الصفحة اذهب الى الأسفل
like as a ship
عضو مميز
عضو مميز
avatar

ذكر
عدد الرسائل : 221
العمر : 34
السٌّمعَة : 3
النقاط التي حصلت عليها : 15730
تاريخ التسجيل : 05/04/2009

مُساهمةموضوع: رد: هل انا مذنب ان كنت مسلم يحب جميع المسيحين وبكيت عليهم؟   الأربعاء 1 ديسمبر - 19:35:21

شكرا اخي العزيز امير .. { اخوه واصدقاء } كلمتين مينوصفن لمعزتهن عندي تسلم عمري والي الشرف كل الشرف ممنون حبيبي .. انته من القلة الي فهمتني اشكرك جدا.. واذا اني وردة فانت عطرها وعاشت الاسامي ..
الرجوع الى أعلى الصفحة اذهب الى الأسفل
http://www.iraqstar.com
 
هل انا مذنب ان كنت مسلم يحب جميع المسيحين وبكيت عليهم؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الرياضة و الشباب :: قسم الشباب و الصبايا-
انتقل الى: